«Barselona» bosh murabbiyi Xavi Yevropa ligasi nimchorak finalida «Ayntraxt»ga qarshi safardagi ilk o‘yindan oldingi fikrlari bilan o‘rtoqlashdi.

«Biz hech qachon bu stadionda o‘ynamaganmiz, ammo bu biz uchun hech narsani o‘zgartirmaydi. Birinchi bo‘lib o‘z uyimizda yoki mehmonda o‘ynaymizmi, farqi yo‘q. «Ayntraxt» - himoyadan hujumga tez o‘tadigan ajoyib, kuchli jamoa. Bu qiyin o‘yin bo‘ladi va qur’a tashlashda omadimiz kelmadi.

«Ayntraxt»ning old, qanot, tayanch zonasida juda yaxshi o‘yinchilar, yaxshi markaziy himoyachilar va darvozabon bor. 

Raqibni mensimaslik - bu jiddiy xato. Biz o‘zimizni yo‘qotmasligimiz kerak, aks holda ular bizni nokaut qilishadi. Agar ular bizni mag‘lub etishsa, biz ularni tabriklaymiz, tamom», - deya Xavining so‘zlarini keltiradi UYEFA matbuot xizmati.