«Барселона» бош мураббийи Хави Европа лигаси нимчорак финалида «Айнтрахт»га қарши сафардаги илк ўйиндан олдинги фикрлари билан ўртоқлашди.
«Биз ҳеч қачон бу стадионда ўйнамаганмиз, аммо бу биз учун ҳеч нарсани ўзгартирмайди. Биринчи бўлиб ўз уйимизда ёки меҳмонда ўйнаймизми, фарқи йўқ. «Айнтрахт» - ҳимоядан ҳужумга тез ўтадиган ажойиб, кучли жамоа. Бу қийин ўйин бўлади ва қуръа ташлашда омадимиз келмади.
«Айнтрахт»нинг олд, қанот, таянч зонасида жуда яхши ўйинчилар, яхши марказий ҳимоячилар ва дарвозабон бор.
Рақибни менсимаслик - бу жиддий хато. Биз ўзимизни йўқотмаслигимиз керак, акс ҳолда улар бизни нокаут қилишади. Агар улар бизни мағлуб этишса, биз уларни табриклаймиз, тамом», - дея Хавининг сўзларини келтиради УЕФА матбуот хизмати.
