«Roma» bosh murabbiyi Joze Mourinyo Konferensiya ligasi 1/4 finalida «Budyo-Glimt»ga qarshi bo‘lib o‘tadigan birinchi o‘yin haqida gapirdi. O‘yin Norvegiyada bo‘lib o‘tadi.
«Bu yerga qaytib kelganimdan xursandman, umid qilamanki, bu safar hammasi kuzga qaraganda ancha yaxshi bo‘ladi. Men sun’iy qoplamali o‘yinlarni hech qachon yoqtirmasdim, tabiiy chimda o‘ynash - butunlay boshqa sport turi. Biroq, uzr yo‘q, pley-offda ikkita o‘yin bor va biz yarim finalga chiqmoqchimiz.
Biz «Budyo-Glimt»ni hurmat qilamiz, bu jamoa guruh bosqichida o‘z kuchimizni maydonimizda isbotladi, lekin o‘tgan yilning oktyabriga nisbatan «Roma» o‘zgardi, ba’zi futbolchilar tarkibda yo‘q. Biz allaqachon boshqacha ko‘rinishga egamiz, shuning uchun tarix yana takrorlanishi dargumon. Ha, «Budyo-Glimt»ning ham tarkibida o‘zgarishlar bor, lekin umuman olganda, jamoa asosi o‘sha-o‘sha. Biz tarkib jihatdan kuchliroq bo‘ldik va bu bizga yordam beradi deb umid qilaman», - deya Mourinyoning so‘zlarini keltiradi Football Italia.
«Budyo-Glimt» – «Roma» uchrashuvi bugun, 7 aprel kuni Toshkent vaqti bilan soat 22:00da boshlanadi.
«Roma» va «Budyo-Glimt» Konferensiya ligasida bir guruhda o‘ynashgan. Norvegiyada bo‘lib o‘tgan birinchi uchrashuvda maydon egalari 6:1 hisobida yirik g‘alabaga erishgan bo‘lsa, Italiyadagi ikkinchi uchrashuv 2:2 hisobida durang bilan yakunlangan.
