«Liverpul» va Braziliya terma jamoasi darvozaboni Alison Bekker «Manchester Siti»ga qarshi Angliya chempionati 32-tur uchrashuviga tayyor ekanligini aytdi.

«Men hamma narsaga tayyorman. Men «Liverpul»dek katta klubda o‘ynayman. Biz har doim raqibga qaraganda ko‘proq hujum qilamiz va ko‘proq imkoniyatlar yaratamiz. O‘yin davomida maydonda nima sodir bo‘lishini doim kuzatib boraman. Ko‘zimni to‘pga qarataman, jarayonda qatnashishga va himoyachilar bilan aloqada bo‘lishga harakat qilaman. Muhim daqiqada seyv qilishga tayyor bo‘lishim kerak», - deya Alisonning so‘zlarini keltiradi «Liverpul» matbuot xizmati.

Angliya Premyer-ligasining 32-turidan o‘rin olgan «Manchester Siti» - «Liverpul» uchrashuvi ertaga, 10 aprel kuni Manchester shahridagi «Etihad (Manchester Siti)» stadionida bo‘lib o‘tadi. O‘yin Moskva vaqti bilan 20:30da boshlanadi.