Dortmundning «Borussiya» klubi bosh murabbiyi Marko Rouz «asalarilar» hujumchisi Erling Xolandning sog‘lig‘i bilan bog‘liq muammolar haqida gapirdi.

«Xolandning golsiz seriyasi uning kelajagiga hech qanday aloqasi yo‘q. Uni bezovta qiladigan oyog‘i gol urishga xalaqit qiladi. Erling o‘yin oldidan og‘riq qoldiruvchi dorilarni qabul qiladigan odam emas. Ammo «Shtutgart»ga qarshi o‘yin oldidan u buni qilishi kerak edi. Xoland jahon darajasidagi hujumchi. Deyarli hammada shunday davr bo‘lgan. Agar u yana gol ursa, bu mish-mishlar yo‘qolib ketadi», - deya Rouzning so‘zlaridan iqtibos keltiradi Sky Sport Deutschland.

Xoland 2020 yil yanvarida «Zalsburg»dan 20 million yevro evaziga «Borussiya»ga kelib qo‘shilgan edi. Joriy mavsumda norvegiyalik hujumchi Bundesliganing 14ta o‘yinida maydonga tushib, 16ta gol va 6ta golli uzatmani amalga oshirdi. Xolandning nemis klubi bilan shartnomasi 2024 yilning yozida yakuniga yetadi. Transfermarkt futbolchining bozor qiymatini 150 million yevroga baholangan.