Ispaniyaning «Barselona» klubi yozda erkin agentga aylanishi mumkin bo‘lgan yarim himoyachi Serj Roberto bilan shartnomani uzaytirmoqchi. Bu haqda Mundo Deportivo nashri xabar bermoqda.
Manbaga ko‘ra, ispan klubi vakillari 30 yoshli futbolchining agentlari bilan uchrashuvi kelasi haftada bo‘lib o‘tadi. «Barselona» yozda Robertoni tekinga yo‘qotmaslik uchun uni yangi shartnoma imzolashga ko‘ndirmoqchi.
Serj — «Barselona» tarbiyalanuvchisi. Yarim himoyachi joriy mavsumda La Ligada 9 ta o‘yinda maydonga tushib, 2 ta gol va bitta golli uzatmani amalga oshirdi. Shuningdek, u Chempionlar ligasida uchta o‘yinda qatnashgan.
