Испаниянинг «Барселона» клуби ёзда эркин агентга айланиши мумкин бўлган ярим ҳимоячи Серж Роберто билан шартномани узайтирмоқчи. Бу ҳақда Mundo Deportivo нашри хабар бермоқда.

Манбага кўра, испан клуби вакиллари 30 ёшли футболчининг агентлари билан учрашуви келаси ҳафтада бўлиб ўтади. «Барселона» ёзда Робертони текинга йўқотмаслик учун уни янги шартнома имзолашга кўндирмоқчи.

Серж — «Барселона» тарбияланувчиси. Ярим ҳимоячи жорий мавсумда Ла Лигада 9 та ўйинда майдонга тушиб, 2 та гол ва битта голли узатмани амалга оширди. Шунингдек, у Чемпионлар лигасида учта ўйинда қатнашган.