«Manchester Siti» yarim himoyachisi Kevin de Bryuyne APLning 32-turi doirasida «Liverpul» jamoasiga qarshi bo‘lib o‘tgan o‘yin haqida fikr bildirdi.
Ushbu bellashuvda jamoalar 2:2 hisobida durang o‘ynadi va turnir jadvalida ularni bir ochko ajratib turibdi.
“Qiyin o‘yin bo‘ldi. To‘g‘risini aytsam, ajoyib o‘ynadik deb o‘ylayman. Biz juda yaxshi o‘ynadik va ko‘proq gol urishimiz kerak edi. Ajoyib o‘yin bo‘ldi.
Birinchi bo‘limda ko‘proq gol urishimiz kerak edi, ammo baribir tanaffusga hisobda oldinda yo‘l oldik. Ikkinchi bo‘lim shu tariqa boshlangani xafa qildi. Lekin biz yaxshi o‘ynadik va g‘alaba qozonish uchun yetarlicha imkoniyatlar yaratdik.
Bizda tashabbus bor va mavsum oxirigacha shu tariqa o‘ynashimiz kerak. Bilaman, odamlar bu o‘yinda g‘olib chiqqan Premyer-liga chempionligini qo‘lga kiritadi, deb aytishgan. Ammo qolgan barcha o‘yinlarda g‘alaba qozonish uchun ikkala jamoaning ham jadvali juda tig‘iz. Shunday bo‘lsada, biz harakat qilamiz», - dedi belgiyalik futbolchi Sky Sports nashriga.
