Pep Gvardiola APLning 32-turidan o‘rin olgan «Manchester Siti» - «Liverpul» (2:2) jamoalari o‘rtasidagi uchrashuvdan keyingi fikrlari bilan o‘rtoqlashdi.
“Ushbu o‘yin Premyer-liga uchun yaxshi reklama bo‘ldi. Ikkala jamoa ham g‘alaba qozonishga harakat qildi. Afsuski, biz ularga omon qolishga imkon berdik, degan tuyg‘u bor.
Lekin, unutmang, «Liverpul» o‘yinini tomosha qilish rohat. Men ularning hujumi qanchalik xavfli ekanligini, ularga qarshi o‘ynash qanchalik qiyinligini bilaman, lekin o‘ylaymanki, biz juda yaxshi o‘ynadik. Men o‘z jamoam bilan faxrlanaman.
Har ikki jamoa ham o‘z hisobida 7 tadan o‘yin qolganini biladi, barchasida g‘alaba qozonishi kerak, aks holda hammasi tugaydi. Biz esa chempionlik uchun kurashamiz”, - dedi «Manchester Siti» bosh murabbiyi.