Пеп Гвардиола АПЛнинг 32-туридан ўрин олган «Манчестер Сити» - «Ливерпуль» (2:2) жамоалари ўртасидаги учрашувдан кейинги фикрлари билан ўртоқлашди.

“Ушбу ўйин Премьер-лига учун яхши реклама бўлди. Иккала жамоа ҳам ғалаба қозонишга ҳаракат қилди. Афсуски, биз уларга омон қолишга имкон бердик, деган туйғу бор.

Лекин, унутманг, «Ливерпуль» ўйинини томоша қилиш роҳат. Мен уларнинг ҳужуми қанчалик хавфли эканлигини, уларга қарши ўйнаш қанчалик қийинлигини биламан, лекин ўйлайманки, биз жуда яхши ўйнадик. Мен ўз жамоам билан фахрланаман.

Ҳар икки жамоа ҳам ўз ҳисобида 7 тадан ўйин қолганини билади, барчасида ғалаба қозониши керак, акс ҳолда ҳаммаси тугайди. Биз эса чемпионлик учун курашамиз”, - деди «Манчестер Сити» бош мураббийи.