«Chelsi» hujumchisi Kay Xavers jamoasi o‘tgan mavsumga qaraganda yaxshiroq o‘yin ko‘rsatmayotgani haqida fikr bildirdi. Eslatib o‘tamiz, bir yil avval «ko‘klar» Chempionlar ligasi sohibiga aylanishgan va Xavers «Manchester Siti»ga qarshi final o‘yinida g‘alaba golini urgan edi.

«O‘ylaymanki, biz o‘tgan mavsumdan beri ko‘p narsalarni amalga oshirdik. Jamoaga yangi futbolchilar keldi, ba’zilari ketishdi. Bu normal jarayon. Ayniqsa, klub atrofidagi so‘nggi vaziyatlardan so‘ng bizning o‘yinda pasayish bo‘ldi. O‘ylaymanki, biz yaxshiroq jamoaga aylanamiz. Umid qilamanki, javob o‘yinida o‘tgan yilgidek yana bir bor o‘zimizning eng yaxshi fazilatlarimizni ko‘rsatamiz», — dedi Xavers.