Norvegiyaning "Budyo-Glimt" klubi bosh murabbiyi «Roma» darvozabonlar murabbiyiga qilingan hujum haqidagi ayblovlarga javob berdi.

Oldinroq UYEFA Konferensiya ligasi doirasida bo‘lib o‘tgan "Budyo-Glimt" - "Roma" (2:1) jamoalari o‘rtasidagi o‘yindan keyin o‘zaro kelishmovchilik tufayli norvegiyaliklar ustozi Kyetila Knutsen va «Roma» darvozabonlar murabbiyini Yevrokuboklardan chetlatgan edi.

“Bunday vaziyatlar tufayli men boshqa sohaga ishga kirmoqchiman. Men hatto futbolda ishlashni davom ettirish haqiqatan ham yaxshi fikrmi deb o‘ylab qoldim.

Bo‘lib o‘tgan narsa mening qadriyatlarim, klub va Norvegiya futboli qadriyatlaridan yiroq. Bunday vaziyatlarda siz o‘zingizda kuch topishingiz va eng yaxshi tarzda javob berishingiz kerak.

Men uchun eng muhimi o‘zimga ko‘zguda qaray olish. Agar men endi buni qila olmasam, bunga arziydimi yoki yo‘qligini o‘ylab ko‘rishim kerak edi" - dedi Knutsen.

Murabbiy rimliklar bosh murabbiyi Joze Mourinyoning hatti-harakati haqida ham gapirdi. Portugaliyalik murabbiy o‘yindan keyingi intervyularda «Budyo-Glimt» murabbiylar shtabining a’zolari haqida o‘ziga yarasha gaplarga yo‘l qo‘ydi.

Xususan, o‘yindan so‘ng Mourinyo «Roma»da «madaniy odamlar ishlaydi, u yerda hech kim hech kimning yuziga urishni istamaydi» degan fikrlarni bildirdi.

“Bu munosabat hayratlanarli. Uning qadriyatlari va murabbiylik uslubi men tasavvur qiladigan narsadan yiroq ekan. Ko‘p sovringa ega va uzoq vaqtdan beri sportning bir qismi bo‘lgan murabbiyning bunday xatti-harakatlarini ko‘rish juda xafa qildi" - dedi "Budyo-Glimt" ustozi.