«Chelsi» bosh murabbiyi Tomas Tuxel Chempionlar ligasi doirasida «Real» jamoasiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.

Londonliklar 1/4 finalda ikki o‘yin natijasiga ko‘ra mag‘lub bo‘lishdi - 1:3, 3:2.

«Mag‘lubiyat har doim og‘riqli, ammo bunday mag‘lubiyatni qabul qilish mumkin, chunki bizda afsuslanadigan hech narsa yo‘q. Biz o‘zimiz xohlagandek o‘ynadik, mahorat va xarakter ko‘rsatdik hamda oldinga borishga loyiq edik. Ammo bugun bizga omad kulib boqmadi.

Eng muhimi, o‘yinimiz, fidoyiligimiz, uchrashuv rejasiga rioya qilishimiz, intizom. Bularning barchasi eng yuqori darajada edi. Men futbolchilarga ishonch bildiraman va ular bilan faxrlanaman.

Gol urish va g‘alaba qozonish kerak bo‘lganda bu stadionda o‘ynash oson emas. Biz keyingi bosqichga chiqish uchun loyiq o‘yin ko‘rsatdik.

O‘tkazib yuborilgan ikkala gol ham hujumlar boshida to‘pni qabul qilib olganimizdagi qo‘pol xatolar natijasidir. To‘pni qaytarib olganingizdan so‘ng uni yo‘qotish eng xavfli holat. Biz bunga ikki marta yo‘l qo‘ydik.

Afsuslanadigan hech narsa yo‘q. Raqib individual mahorat evaziga ulardan unumli foydalandi va bu ular uchun yetarli bo‘ldi. Ikki o‘yinda juda ko‘p muhim xatolarga yo‘l qo‘ydik", - dedi Tuxel.