«Leypsig» bosh murabbiyi Domeniko Tedesko Yevropa ligasi chorak finali javob uchrashuvi doirasidagi «Atalanta»ga qarshi o‘yin oldidan fikrlari bilan o‘rtoqlashdi. Jamoalar o‘rtasidagi Germaniyadagi birinchi o‘yin 1:1 hisobidagi durang bilan yakunlangandi.
«Biz Bergamoga yaxshi holatda boramiz. O‘z uyimizda yaxshi o‘yin o‘tkaza olmadik, ammo mehmonda yaxshiroq o‘yin ko‘rsatishga harakat qilamiz, aks holda bizga juda qiyin bo‘ladi.
«Atalanta» hali ham yaxshi holatda. Ular bizga qarshi yaxshi o‘ynashdi, ko‘plab vaziyatlar yaratishdi. Ularning A seriyadagi raqiblari Gasperini jamoasi bilan qanday o‘ynashni bilishadi.
Mening (italyan) kelib chiqishim menga taktik jihatdan hech qanday ustunlik bermaydi. Mening italyancha fe’l-atvorim har doim ham o‘zgarmaydi», - deya Tedeskoning so‘zlarini keltiradi jurnalist Janluka Di Marsio.
Jamoalar o‘rtasidagi javob o‘yini 14 aprel kuni Bergamoda bo‘lib o‘tadi va Toshkent vaqti bilan soat 21:45da boshlanadi.
