«Tottenxem» klubi «Yuventus» yarim himoyachisi Ueston Makkenni sotib olish imkoniyatini o‘rganmoqda.

AQSH terma jamoasi futbolchisi 2020 yilda «Shalke»dan ijara asosida «Yuventus»ga o‘tgan va bir yildan so‘ng Turin klubi uni 20,5 million yevroga to‘liq sotib olgandi. Andrea Pirlo boshchiligidagi debyut mavsumida Makkenni «Yuventus»ning asosiy futbolchisiga aylandi.

Futbolchi «Yuventus»ning amaldagi bosh murabbiyi Massimiliano Allegri davrida ham o‘z maqomini saqlab qoldi. U ushbu murabbiy qo‘l ostida 28 o‘yinda maydonga tushdi va 4 ta gol muallifiga aylandi, biroq fevral oyida qo‘l suyagi jarohati sabab mavsumning qolgan qismida maydonga tusha olmasligi aniq bo‘ldi.

Qayd etilishicha, «Tottenxem» bosh murabbiyi Antonio Konte futbolchining o‘yinidan hayratda qolgan va uni o‘z jamoasiga taklif qilmoqchi. Makkennining «Yuventus» bilan shartnomasi 3 yildan keyin tugaydi.