OAV xabarlariga ko‘ra, Argentinaga qarshi bo‘lib o‘tadigan uchrashuvi Chiro Immobile uchun Italiya terma jamoasidagi so‘nggi o‘yini bo‘lishi mumkin.

32 yoshli «Lasio» yulduzi Italiya Qatarda bo‘lib o‘tadigan jahon chempionatiga chiqa olmaganidan so‘ng eng ko‘p tanqid qilindi. Ko‘pchilik italiyalik hujumchini terma jamoa uchun klubdagi kabi o‘ynamasligida ayblamoqda.

Calciomercato nashri xabariga ko‘ra, Immobile tez orada terma jamoadagi faoliyatini yakunlashi kutilmoqda va uning Italiya terma jamoasidagi so‘nggi o‘yini Argentinaga qarshi bo‘lajak bahs bo‘lishi mumkin.

O‘yin 1 iyun kuni bo‘lib o‘tadi. Unda Yevro-2020 va Janubiy Amerika kubogi g‘oliblari o‘ynaydi.