ОАВ хабарларига кўра, Аргентинага қарши бўлиб ўтадиган учрашуви Чиро Иммобиле учун Италия терма жамоасидаги сўнгги ўйини бўлиши мумкин.
32 ёшли «Лацио» юлдузи Италия Қатарда бўлиб ўтадиган жаҳон чемпионатига чиқа олмаганидан сўнг энг кўп танқид қилинди. Кўпчилик италиялик ҳужумчини терма жамоа учун клубдаги каби ўйнамаслигида айбламоқда.
Calciomercato нашри хабарига кўра, Иммобиле тез орада терма жамоадаги фаолиятини якунлаши кутилмоқда ва унинг Италия терма жамоасидаги сўнгги ўйини Аргентинага қарши бўлажак баҳс бўлиши мумкин.
Ўйин 1 июнь куни бўлиб ўтади. Унда Евро-2020 ва Жанубий Америка кубоги ғолиблари ўйнайди.
