«Bavariya»ning sobiq prezidenti Karl-Xayns Rummenigge ingliz futboli haqida gapirdi. Eslatib o‘tamiz, «Bavariya» chorak finalda Chempionlar ligasidan chiqib ketgan, «Liverpul» va «Manchester Siti» esa yarim finalga yo‘l olgandi.
«Yarim finalda ikkita ingliz va ikkita Ispaniya klubi bor. Bu Yevropa futbolining hozirgi holatini ko‘rsatadi. Ingliz jamoalari juda kuchli. Yakshanba kuni bo‘lib o‘tgan «Manchester Siti» va «Liverpul» o‘rtasidagi 2:2 hisobidagi o‘yin men so‘nggi besh yil ichida ko‘rgan eng yaxshi bahs bo‘ldi», - deydi sobiq futbolchi.
«Manchester Siti» ayni paytda 74 ochko bilan APLda peshqadamlik qilmoqda, «Liverpul» esa 1 ochko ortda qolib, 2-o‘rinni band etgan.
