«Бавария»нинг собиқ президенти Карл-Хайнц Румменигге инглиз футболи ҳақида гапирди. Эслатиб ўтамиз, «Бавария» чорак финалда Чемпионлар лигасидан чиқиб кетган, «Ливерпуль» ва «Манчестер Сити» эса ярим финалга йўл олганди.
«Ярим финалда иккита инглиз ва иккита Испания клуби бор. Бу Европа футболининг ҳозирги ҳолатини кўрсатади. Инглиз жамоалари жуда кучли. Якшанба куни бўлиб ўтган «Манчестер Сити» ва «Ливерпуль» ўртасидаги 2:2 ҳисобидаги ўйин мен сўнгги беш йил ичида кўрган энг яхши баҳс бўлди», - дейди собиқ футболчи.
«Манчестер Сити» айни пайтда 74 очко билан АПЛда пешқадамлик қилмоқда, «Ливерпул» эса 1 очко ортда қолиб, 2-ўринни банд этган.
