"Manchester Siti" bosh murabbiyi Pep Gvardiola Angliya kubogi yarim finalida "Liverpul" jamoasiga qarshi bo‘lib o‘tgan o‘yinda qabul qilib olingan mag‘lubiyat haqida fikr bildirdi.

"Manchester Siti" ushbu bellashuvda 2:3 hisobida mag‘lub bo‘ldi.

“Qiyin bo‘lib o‘tgan birinchi bo‘limdan keyin bor kuchimizni berdik. Birinchi golga kelsak, ular standart vaziyatlarda juda kuchli o‘ynashadi. Ikkinchi gol esa baxtsiz hodisa tufayli kiritildi. O‘yinga qaytish qiyin bo‘ldi, lekin ularning futbolchilari ikkinchi bo‘limda a’lo darajada harakat qilishdi".

Steffenning xatosi haqida:

“Bu baxtsiz hodisa va uning kelajagi uchun saboq bo‘ldi. To‘p o‘sha hududda bo‘lsa, bu hodisa sodir bo‘lishi mumkin. Shaxsan u bilan emas, jamoa bilan gaplashdim, lekin uning juda kuchli ekanini bilaman.

Bizning kuchimiz ikkinchi bo‘limda yaqqol namoyon bo‘ldi. Hisobni tenglashtirish uchun imkoniyatlarimiz bor edi. Yigitlar ikkinchi bo‘limda iroda ko‘rsatishdi.

Muammo charchashda emas edi. Birinchi bo‘limda ular ko‘proq charchashdi, futbolda gap charchoqda emas, balki siz qanday o‘ynashingizda.

Nihoyat bir-ikki kun dam olamiz. Oldinda bizni yettita o‘yin va Chempionlar ligasi kutib turganini bilamiz, nima bo‘lishini ko‘ramiz” - dedi “Manchester Siti” bosh murabbiyi.