Xabaringiz bor, Mo‘g‘uliston poytaxti Ulan-Bator shahrida sport kurashlari bo‘yicha Osiyo chempionati bo‘lib o‘tmoqda. Bugun 5 nafar erkin kurashchi qizlarimiz bahslarga kirishdi.

-65 kg vazn toifasida Ariuxan Jumabayeva, -72 kg vazn toifasida Svetlana Oqnazarova mag‘lubiyatga uchrab, chempionatni erta tark etdi.

Bronza medali uchun kechgan bellashuvlarda -53 kg vazn toifasida Aktenge Keunimjayeva qozog‘istonlik Juldiz Eshimovaga, -57 kg vazn toifasida Shohida Ahmedova mo‘g‘ulistonlik Bolortuya Xurelxuga, -62 kg vazn toifasida Nabira Esenbayeva mo‘g‘ulistonlik Xongorzul Boldsaixanga yutqazib qo‘ydi.

Shu tariqa, O‘zbekiston ayollar erkin kurash terma jamoasi Osiyo chempionatidagi ishtirokini Jasmina Immayeva (-50 kg) tomonidan qo‘lga kiritilgan bitta bronza medali bilan yakunladi.