Italiya chempionati 34-tur uchrashuvida “Atalanta” "Venesiya" mehmoni bo‘lib, 3:1 hisobida ishonchli g‘alabaga erishdi. O‘yinning ikkinchi bo‘limi boshida kolumbiyalik hujumchi Duvan Sapata raqib darvozasini ishg‘ol qildi.
Sapata uchun bu 2022 yildagi birinchi gol bo‘ldi, oxirgi marta u o‘tgan yilning noyabr oyida gol urgandi. Biroq, shu bilan birga, bu uning mavsumdagi o‘ninchi goli bo‘ldi. Sapata Italiya chempionatida ketma-ket olti yil davomida bir mavsumda o‘n yoki undan ortiq gol urgan ikkinchi futbolchiga aylandi. Birinchisi "Lasio" futbolchisi Chiro Immobile edi.
