«Bavariya» bosh murabbiyi Yulian Nagelsmann Germaniya chempionligi haqida fikr bildirdi.
Bugun myunxenliklar Bundesliganing 31-turi doirasida Dortmundning «Borussiya» klubini mag‘lub etib (3:1) muddatidan avval chempionlikni qo‘lga kiritdi.
«Biz yaxshi o‘yin o‘tkazdik va chempionlikka loyiq edik. Men juda xursandman. Agar bugun g‘alaba qozonmaganimizda keraksiz yukni o‘z zimmamizga olgan bo‘lardik. Biz barcha savollarni olib tashlamoqchi edik.
Mavsum unchalik oson bo‘lmadi, shuning uchun chempionlik tojini qo‘lga kiritganimizdan xursandman», - dedi «Bavariya» bosh murabbiyi.