Yurgen Klopp «Everton» ustidan qozonilgan g‘alabadan so‘ng o‘z taassurotlari bilan o‘rtoqlashdi.

Angliya chempionatining 34-turida «Liverpul» derbida "Everton" ustidan 2:0 hisobida g‘alaba qozondi.

“Yaratganga shukur, futbolda ikkita taym bor. Birinchisida unchalik yaxshi o‘ynamadik. Raqib bizga muammo tug‘dirdi, biz ularning oxirgi himoya chizig‘idan o‘ta olmadik. Bizga harakat yetishmadi.

Biz yetarlicha tezkor harakat qilmadik, raqibning to‘qqiz nafar futbolchisi bo‘lgan zonalarga o‘tdik. Pikford to‘pni har gal ushlab olganida besh daqiqa ushlab turdi, shuning uchun biz ularning past blokini yorib yuborish ritmini topa olmadik. Biz «Everton»dan shunday o‘yin kutgandik.

So‘nggi oylarda qo‘lga kiritgan g‘alabalarimiz soni haqiqatga to‘g‘ri kelmaydi. Ishlash kerak. Yigitlar buni yana qilishdi va men juda xursandman.

Agar kimdir bunday o‘yinlardan osongina o‘tamiz, deb o‘ylasa, kechirim so‘rayman, lekin bunday bo‘lmaydi. Ammo bugungidek muhit yarata olsak, 95 daqiqa biz bilan kurashish juda qiyin bo‘ladi” - dedi «Liverpul» bosh murabbiyi.