"Manchester Siti"ning germaniyalik yarim himoyachisi Ilkay Gyundogan faoliyatini qayerda yakunlashi haqidagi savolga javob berdi.

“Meni Turkiya varianti qiziqtiradi. Shuningdek, AQSH ham, u yerda bir necha bor dam olganman. Biroq, hozircha bu haqda o‘ylaganim yo‘q, chunki shartnomam yakuniga yetishiga hali bir yil bor. "Siti" menga ham o‘yin nuqtai nazaridan, ham kundalik hayot nuqtai nazaridan juda qulay joy", - deya Gyundogan so‘zlarini keltirmoqda goal.com.

Qayd etish joiz, 31 yoshli germaniyalik futbolchi joriy mavsumda APLda 23 ta o‘yinda maydonga tushib, 6 ta gol urdi va 4 ta golli uzatmani amalga oshirdi.