"Манчестер Сити"нинг германиялик ярим ҳимоячиси Илкай Гюндоган фаолиятини қаерда якунлаши ҳақидаги саволга жавоб берди.
“Мени Туркия варианти қизиқтиради. Шунингдек, АҚШ ҳам, у ерда бир неча бор дам олганман. Бироқ, ҳозирча бу ҳақда ўйлаганим йўқ, чунки шартномам якунига етишига ҳали бир йил бор. "Сити" менга ҳам ўйин нуқтаи назаридан, ҳам кундалик ҳаёт нуқтаи назаридан жуда қулай жой", - дея Гюндоган сўзларини келтирмоқда goal.com.
Қайд этиш жоиз, 31 ёшли германиялик футболчи жорий мавсумда АПЛда 23 та ўйинда майдонга тушиб, 6 та гол урди ва 4 та голли узатмани амалга оширди.
