Fransiyaning «Lill» klubi hujumchi Jonatan Devid bilan transfer oynasi paytida 50 million yevro evaziga xayrlashishga tayyor, deya xabar bermoqda jurnalist Fabrisio Romano o‘zining tvitterdagi sahifasida.

Manbaga ko‘ra, hujumchiga Yevropaning bir qator top-klublaridan jiddiy qiziqish bor.

Jonatan Devid 2020 yilning 11 avgustidan beri «Lill» safida to‘p tepadi. Uning klub bilan shartnomasi 2025 yilning 30 iyuniga qadar mo‘ljallangan.

Joriy mavsumda 22 yoshli kanadalik «Lill» safida barcha musobaqalarda 43 ta o‘yin o‘tkazib, 17 ta gol urib, klubning eng yaxshi to‘purari bo‘lib turibdi. Shuningdek, hujumchi bu yil Kanada terma jamoasi safida 18 ta o‘yin, 9 ta gol va 4 ta golli uzatmani amalga oshirdi.

Ma’lumot o‘rnida, transfermarkt portali Jonatan Devidni 50 million yevroga baholamoqda.