«Barselona» bosh murabbiyi Xavi Ispaniya chempionatining 34-turi doirasida «Malyorka»ga qarshi o‘yin oldidan jamoadagi jarohatlar haqida gapirdi.
«Pedri bir necha haftaga safdan chiqdi. U o‘zini yaxshi his qilmoqda va hozir mustaqil shug‘ullanmoqda. Pike oxirgi 2-3 oy davomida muammolarga duch keldi. Bugun u yana kasal va mashg‘ulot o‘tkazmadi. Robertoda mushaklar bilan bog‘liq muammo bor. Niko kecha Fati bilan to‘qnashuvda oyog‘ini jarohatlab oldi. Breytueytda kovid, Dembeleda esa tonzillit bor.
Bu yomon, chunki bizga barcha futbolchilar kerak. Hozirda bizning jamoada markaziy yarim himoyachilar ko‘p emas, lekin bu futbol. Kecha asosiy raqibimiz «Sevilya» ochko yo‘qotdi va biz foydalanishimiz kerak», - deya Xavining so‘zlaridan iqtibos keltiradi Sport.es.
Oldinroq son qismidagi jarohat tufayli 20 yanvardan beri maydonga tushmayotgan hujumchi Ansu Fati maydonga tushishi mumkinligi haqida xabar berilgandi.
La Liga turnir jadvalida kataloniyaliklar 63 ochko bilan uchinchi o‘rinda bormoqda. «Sevilya» 64 ochko bilan ikkinchi o‘rinni band etgan.
