«Manchester Yunayted» hujumchisi Edinson Kavani kelasi yozda jamoani tark etib, Ispaniya La Ligasi klublaridan biriga o‘tmoqchi, deb yozdi Fabrisio Romano tvitterdagi sahifasi orqali.

Manbaning aytishicha, urugvaylik hujumchi keyingi transfer oynasida erkin agent sifatida «Manchester Yunayted»ni tark etadi va Ispaniya chempionatida o‘zini sinab ko‘rmoqchi.

Edinson Kavanining «Manchester Yunayted» bilan shartnomasi 2022 yilning 30 iyuniga qadar amal qiladi. Joriy mavsumda hujumchi klub safida barcha turnirlar doirasida 17 ta o‘yinda maydonga tushib, 2 ta gol va bitta golli uzatmani amalga oshirdi. Shuningdek, joriy mavsumda u Urugvay terma jamoasi safida to‘qqizta o‘yin o‘tkazib, ikkita gol urgan.

Bungacha Kavani «PSJ», «Napoli» va «Palermo» kabi klublarda to‘p tepgan.

Transfermarkt Edinson Kavanini 4 mln yevroga baholamoqda.