"Tottenxem" bosh murabbiyi Antonio Konte jamoasining APLning 35-turi doirasidagi "Lester" ustidan qozonilgan g‘alabasi (3:1) haqida fikr bildirdi.
“Bu ajoyib jamoaga qarshi yaxshi o‘yin bo‘ldi. Bilasizmi, Angliyada oson o‘yinlar bo‘lmaydi, ayniqsa, yaxshi tarkibga ega “Lester”ga qarshi.
O‘tgan yilning noyabr oyida men boshqaruvni qabul qilganimda, hech kim biz hali ham Yevropa musobaqalari uchun kurashda ishtirok etishimizni tasavvur qila olmasdi, ammo futbolchilar yuqori o‘rinlar uchun kurashishga loyiq. Premyer-ligada Chempionlar ligasi yo‘llanmasini qo‘lga kiritish oson emas", - deya Kontening so‘zlarini keltiradi BBC.
