Fransiya professional futbolchilar milliy ittifoqi 2021/22 yilgi mavsumning eng yaxshi futbolchisi bo‘lish uchun nomzodlar ro‘yxatini e’lon qildi. Ro‘yxatda “PSJ” hujumchisi Lionel Messi yo‘q.

Mavsumning eng yaxshi futbolchisi uchun Kilian Mbappe (“PSJ”), Vissam Ben Yedder (“Monako”), Dimitri Payet (“Marsel”), Lukas Paketa (“Lion”) va Martin Terrye (“Renn”) kurash olib boradi.

Joriy mavsumda “oltin to‘p”ning 7 karra sohibi Parij klubi safida Fransiya chempionatida 23 ta o‘yin o‘tkazib, 4 ta gol urdi va 13 ta golli uzatmani amalga oshirdi.