"Tottenxem" va "Nyukasl" "Everton" darvozaboni Jordan Pikfordga qiziqish bildirmoqda.
TalkSport xabariga ko‘ra, "irislar" 28 yoshli futbolchini shu yozda sotishga tayyor, chunki ular o‘z tarkibini yangilash uchun qo‘shimcha mablag‘ to‘plamoqchi.
Manbaga ko‘ra, "shporlar" va "Nyukasl" Pikford bilan bog‘liq vaziyatni kuzatib borishmoqda va transfer ochilganda futbolchi uchun o‘z takliflarini berishga tayyor.
Darvozabonning “Everton” bilan shartnomasi 2024 yilning yoziga qadar amal qiladi.
Joriy mavsumda u barcha turnirlarda 33 ta o‘yin o‘tkazgan, shundan oltitasida o‘z darvozasi daxlsizligini saqlab qolgan. Pikford jami 57 ta gol o‘tkazib yubordi.