"Тоттенхэм" ва "Ньюкасл" "Эвертон" дарвозабони Жордан Пикфордга қизиқиш билдирмоқда.
TalkSport хабарига кўра, "ирислар" 28 ёшли футболчини шу ёзда сотишга тайёр, чунки улар ўз таркибини янгилаш учун қўшимча маблағ тўпламоқчи.
Манбага кўра, "шпорлар" ва "Ньюкасл" Пикфорд билан боғлиқ вазиятни кузатиб боришмоқда ва трансфер очилганда футболчи учун ўз таклифларини беришга тайёр.
Дарвозабоннинг “Эвертон” билан шартномаси 2024 йилнинг ёзига қадар амал қилади.
Жорий мавсумда у барча турнирларда 33 та ўйин ўтказган, шундан олтитасида ўз дарвозаси дахлсизлигини сақлаб қолган. Пикфорд жами 57 та гол ўтказиб юборди.
