"Tottenxem" "Yuventus" vingeri Deyan Kulushevski va "Atalanta" himoyachisi Kristian Romerolar bilan shartnoma imzolaydi, deya xabar bermoqda jurnalist Fabrisio Romano.
Manbaga ko‘ra, "shporlar" jamoaning muhim qismiga aylangan ikki futbolchini sotib olish uchun 80 million yevroga yaqin sarmoya kiritadi.
Kulushevski “Tottenxem”ga 2022 yilning yanvarida kelib qo‘shilgan. Bu vaqt ichida u barcha musobaqalarda 19 ta o‘yin o‘tkazib, 3 ta gol urdi va 8 ta golli uzatmani amalga oshirdi. Huquqiy jihatdan "Yuventus"ga tegishli bo‘lgan 22 yoshli shvesiyalik futbolchining narxi 35 million yevroga baholanmoqda.
Romero London klubida 2021 yilning avgustidan buyon o‘ynamoqda. 24 yoshli argentinalik futbolchi klub safida barcha musobaqalarda 30 ta o‘yinda maydonga tushib, bitta gol urishga muvaffaq bo‘lgan. Bu futbolchining narxi esa 40 million yevroni tashkil qiladi.