“Manchester Yunayted”ning fransiyalik yarim himoyachisi Pol Pogba tajribali himoyachi Jorjio Kyellinining “Yuventus” klubini tark etganiga munosabat bildirdi.

Pogba o‘zining ijtimoiy tarmoqlarida Kyelliniga havas qilsa arziydigan fantastik faoliyati borligini yozdi. Fransiyalik futbolchi nafaqat yaxshi o‘yinchi, balki ajoyib inson bo‘lgan futbolchi bilan maydonda birga to‘p surgani u uchun sharaf ekanini ta’kidladi.

Eslatib o‘tamiz, Jorjio Kyellini shu yozda "keksa sinyora"ni tark etishga qaror qilgandi. Joriy mavsumda tajribali himoyachi A Seriyada 20 ta o‘yin o‘tkazib, ikkita sariq kartochka olgan.