“Манчестер Юнайтед”нинг франциялик ярим ҳимоячиси Пол Погба тажрибали ҳимоячи Жоржио Кьеллинининг “Ювентус” клубини тарк этганига муносабат билдирди.
Погба ўзининг ижтимоий тармоқларида Кьеллинига ҳавас қилса арзийдиган фантастик фаолияти борлигини ёзди. Франциялик футболчи нафақат яхши ўйинчи, балки ажойиб инсон бўлган футболчи билан майдонда бирга тўп сургани у учун шараф эканини таъкидлади.
Эслатиб ўтамиз, Жоржио Кьеллини шу ёзда "кекса синьора"ни тарк этишга қарор қилганди. Жорий мавсумда тажрибали ҳимоячи А Серияда 20 та ўйин ўтказиб, иккита сариқ карточка олган.
