Angliyada futbol mavsumi yakuniga yetmoqda. Stadion.uz esa siz azizlarga yana bir bor tekshirib ko‘rishingiz kerak bo‘lgan qiziqarli statistikalarni taqdim etadi.
1. "Byornli" "Manchester Yunayted"ga qaraganda kamroq gol o‘tkazib yubordi
"Manchester Yunayted" dahshatli mavsum o‘tkazganiga qaramay, jamoa turnir jadvalida oltinchi o‘rinni egallab turibdi, David De Xea esa shaxsan yaxshi o‘ynadi, "Byornli" esa hali chempionatda qolish uchun o‘z o‘rnini kafolatlagani yo‘q. Biroq, Nik Poup o‘z darvozasidan De Xeaga qaraganda kamroq to‘p olib chiqdi, 50 ga 56. Va umuman olganda ispaniyalik darvozabonni Maguayr va Chempionlar Ligasining bir necha bor g‘olibi Varan himoya qilib keldi. Qanday qilib shuncha gol o‘tkazib yuborish mumkin aqlga sig‘maydi, shunday emasmi?!
2. Jon Stouns – Premyer-ligada “Havo qiroli”
Jon Stouns Premyer-liganing eng kuchli markaziy himoyachisi nomi uchun so‘rovnomada eng ko‘p ovoz to‘plashi dargumon. Birinchi qatorga uning sherigi Ruben Diash va Virjil van Deyk da’vogarlik qiladi. Ular jamoada katta obro‘ga ega. Siz ularni chetlab o‘ta olmaysiz. Ikkinchi qavatda esa bu yigitlar bilan umuman raqobatlashmaganingiz ma’qul. Va mana muammo nimada: an’anaviy tarzda van Deyk va Diashdan bir pog‘ona, hattoki bir necha pog‘ona pastda joylashgan Stouns ikkinchi qavatda o‘ynash bo‘yicha Premyer-ligadagi eng yaxshi futbolchi. Jon duellarning 84,2 foizini yutgan. Qizig‘i shundaki, Natan Ake ro‘yxatda ikkinchi o‘rinda, shundan keyingina Diash va van Deyk.
3. Alisson Eduard Mendiga qaraganda samaraliroq o‘ynadi
Alisson Bekker - birga-bir vaziyatlarni bartaraf etishda kuchli va uning aniq uzatmlari ham boshqalarnikidan yaxshiroq. “Liverpul” deyarli har doim braziliyalik darvozabonning texnik jihatlaridan foydalangan holda o‘ynayotgandek taassurot paydo bo‘ladi. Eduard Mendi esa Alisson fonida "eski maktab" vakiliga o‘xshaydi. Mana bu statistik ma’lumotlarga qarang: Alisson 45,2% holatda to‘pni darvozasi daxlsizligini saqlab qoldi, Mendining ko‘rsatkichi 34,5 foizga teng. “Liverpul” va “Chelsi”ning hujumlarini boshlash fonida ham Bekker ustun bo‘lib chiqyapti.
4. "Everton" "Byornli"dan ko‘proq qizil kartochka oldi
"Byornli" bilan yana bir taqqoslash, endi esa boshqa tomondan APLda qolish uchun kurashda liverpulliklarning bevosita raqibi. "Byornli" Shon Daych ishlagan yillar davomida obro‘ga ega bo‘ldi. Ular kerakli vaziyatlarda yaxshi o‘yin ko‘rsatib, Premyer-ligada qolishni uddalab kelishdi. "Everton"ni esa qo‘pol o‘ynaydigan jamoa emasdi. Eng ajablanarlisi, "Everton" futbolchilari mavsum davomida 6 bor qizil kartochkaga loyiq ko‘rilgan bo‘lsa, "Byornli"da bu ko‘rsatkich birga teng. To‘g‘ri, qo‘polliklarning umumiy soni bo‘yicha Maykl Jekson jamoasida biroz ustunlik bor - 443:428.
5. Fred Premyer-ligada darvoza tomon eng yaxshi zarba beradigan futbolchi
Balki bu ma’lumot xatodir? Muhammad Saloh, Son Xyon-Min yoki Krishtianu Ronaldu unda aniqroq zarba bergan bo‘lishi kerak edi. Bu taxminlarning har biri noto‘g‘ri, chunki Premyer-liganing barcha o‘yinchilari orasida eng samarali futbolchi tanqid qilingan Freddir. Braziliyalik futbolchi 15 ta urinishda darvoza tomon 9 ta zarba berdi (60%), u 4 ta gol urdi, ya’ni uning har to‘rtinchi zarbasi golga aylangan.
6. Ilkay Gyundogan - "Manchester Siti"ning eng muhim va butun ligadagi eng samarali o‘yinchisi
Birinchidan, keling, sarlavhani tushintiramiz. Eng muhim o‘yinchi - bu maydonda u ishtirok etgan o‘yinlarda jamoa maksimal ball to‘plagan. “Manchester Siti”da men Kevin De Bryuyne yoki Ruben Diashni, balki mavsumni ajoyib o‘tkazayotgan Joau Kanseluni yoki Edersonni alohida ta’kidlamoqchiman. Biroq, statistika boshqacha. Xosep Gvardiola jamoasi Gyundogan bilan maydonda eng ko‘p ochko to‘playdi - har bir o‘yinda o‘rtacha 2,58 ochko.
Albatta, buni Ilkayning joriy mavsum rotasiya o‘yinchisi ekanligi va jadvalning quyi qismidagi raqiblarga qarshi tez-tez o‘ynashi bilan izohlash mumkin, shunga qaramay, uning raqamlari hayratlanarli. Bunday qahramonlar hammaga yoqadi va g‘alati tarafi shundaki, "Man Siti" yarim himoyachini tarkibda saqlab qolishga urinmayapti.
Umuman olganda yuqorida keltirilgan statistikalar katta ahamiyat kasb etmasligi ham mumkin. Masalan, jamoalarning turnir jadvalidagi o‘rniga. Lekin individual olib qaraganda e’tibordan chetda qoldirmaslik shart bo‘lgan jihatlar.
