"Chelsi" bosh murabbiyi Tomas Tuxel jamoaning markaziy himoyachisi Andreas Kristensen mavsumning qolgan qismini o‘tkazib yuborishi mumkinligini aytdi.
26 yoshli futbolchi Angliya kubogi finalida "Liverpul"ga qarshi o‘yinni jarohati yo‘q bo‘lsada, o‘tkazib yubordi.
"Uning o‘z sabablari bor edi, bu sabablar bizning oramizda qoladi" - dedi Tuxel bugungi matbuot anjumanida.
"Menimcha, u "Chelsi"da o‘ynashni istamaydi - shanba kuni u haqiqatan ham maydonga tusha olmadi. Payshanba va shu dam olish kunlari foydalanishim mumkinmi, bilmayman”, - dedi nemis mutaxassisi.
Eslatib o‘tamiz, Andreas Kristensen "Barselona"ga o‘tishga rozi bo‘ldi. Daniyalik futbolchi "Chelsi" bilan muddati tugaydigan shartnomasini uzaytirishdan bosh tortdi.
