Turinning "Yuventus" klubi yozgi transfer oynasida jamoa yarim himoyasini kuchaytirish niyatida. La Gazette dello Sport jurnalistlarining xabar berishicha, “keksa sinyora” Italiya terma jamoasi va Londonning “Chelsi” klubi yarim himoyachisi Jorjinyo bilan shartnoma imzolashga yaqin turibdi.
Manbaning qayd etishicha, turinliklar futbolchi bilan muzokara olib borgan va hamkorlik bo‘yicha kelishib olgan. Endi italiyaliklar o‘tish tafsilotlarini to‘g‘ridan-to‘g‘ri "aristokratlar" bilan hal qilishlari kerak.
Jorjinyoning "Chelsi" bilan amaldagi shartnomasi 2023 yilning o‘rtalariga qadar tuzilgan. Uning transfer narxi 40 million yevroga baholanmoqda.
