Туриннинг "Ювентус" клуби ёзги трансфер ойнасида жамоа ярим ҳимоясини кучайтириш ниятида. La Gazette dello Sport журналистларининг хабар беришича, “кекса синьора” Италия терма жамоаси ва Лондоннинг “Челси” клуби ярим ҳимоячиси Жоржиньо билан шартнома имзолашга яқин турибди.
Манбанинг қайд этишича, туринликлар футболчи билан музокара олиб борган ва ҳамкорлик бўйича келишиб олган. Энди италияликлар ўтиш тафсилотларини тўғридан-тўғри "аристократлар" билан ҳал қилишлари керак.
Жоржиньонинг "Челси" билан амалдаги шартномаси 2023 йилнинг ўрталарига қадар тузилган. Унинг трансфер нархи 40 миллион еврога баҳоланмоқда.
