Belgiya terma jamoasining sobiq futbolchisi Jon Obi Mikel "Real" yarim himoyachisi Eden Azar nima uchun "Satyago Bernabeu"da muvaffaqiyatsizlikka uchraganini tushuntirdi.

«Men hamisha Eden Azar eng iqtidorli futbolchilardan biri ekanini ta’kidlab kelganman. Unda hamma narsa bor — tezlik, kuch, mahorat va texnika. U darhol Lionel Messi va Krishtianu Ronaldu izidan borishga qaror qildi. Futbolchi haqiqatan ham ular kabi bo‘lishni istaganida, bunga erishishi mumkin edi.

Ba’zida Azar o‘zi haqida: «Agar zo‘r futbolchi bo‘lishni istaganimda, bo‘la olardim. Men Messi kabi bo‘la olmasdim, boisi, u o‘zga sayyoralik. Ammo, Ronaldu kabi bo‘lishim va undan ham o‘tishim mumkin edi», — derdi. Uning og‘zidan mana shunday so‘zlar chiqqan. Ammo Eden o‘yinga sadoqatli bo‘la olmadi. U mashg‘ulotda yomon ishlaydi. Ochig‘ini aytsam, u men duch kelgan futbolchilar orasida mashg‘ulotda eng yomon ishlaydiganlardan biri.

Nima uchun "Real"da uning o‘yinlari yomonlashib ketdi? Eden, Eden, Eden... Eh! U yaxshi futbolchi bo‘lgani uchun unga hech kim hech narsa gapirmagan. U shanba kungi bahsda zo‘r o‘ynab, qahramonga aylanishi mumkin. Ammo dushanba va seshanba kunlari mashg‘ulotga kelardiyu, o‘zini go‘yoki u yerda yo‘qdek tutardi. Shunchaki bir joyda turardi yoki u yoqqa - bu yoqqa yurardi.

Barcha yakkakurashlarda ishtirok etadi, bir-biri uchun jang qiladi, mashg‘ulotdagi o‘yin paytida bir-biriga baqiradi, ammo u bularning hech birini qilmasdi. Ammo maydonda yaxshi harakat qilardi. Ba’zi insonlarga shunchalik ko‘p iqtidor berilishi — adolatsizlik!» – dedi Obi Mikel.