"Manchester Siti" bosh murabbiyi Xosep Gvardiola "Aston Villa"ga qarshi APLning 38-turidan o‘rin olgan o‘yin oldidan o‘tkazilgan matbuot anjumanida jamoa muxlislariga murojaat qildi.
“Bu chempionatdagi so‘nggi uy uchrashuvi, bu hal qiluvchi ahamiyatga ega. Biz ehtiyot bo‘lishimiz kerak. "Gudison park"da sodir bo‘lgan voqeadan keyin yuzaga kelgan his-tuyg‘ular xavfli voqealarni keltirib chiqardi. Biz o‘zimizni yaxshiroq tutishga harakat qilishimiz kerak.
Agar chempionlikni qo‘lga kiritsak, o‘zingizni yaxshiroq tuting», — dedi Gvardiola ESPN bilan suhbatda.
Eslatib o‘tamiz, 19 may kuni "Everton" "Kristal Pelas" jamoasini mag‘lub etib (3:2) APLda qolishini kafolatlagandi. O‘z jamoasining uchinchi golidan so‘ng "Everton" muxlislari maydonga chiqib ketishdi va ba’zilari mehmonlar bosh murabbiyi Patrik Viyeyra bilan og‘zaki janjal qilishdi.
Yevropa ligasi finalida uchrashuvning bosh hakami Slavko Vinchich “Ayntraxt” va “Reynjers” futbolchilari hamda murabbiylardan final hushtagi yangraganidan so‘ng muxlislarning maydonga tushishiga yo‘l qo‘ymaslikni so‘ragan edi.
