"Torino" A Seriyani eng yaxshi tarzda yakunlamadi, jamoa "Roma"ga yirik hisobda yutqazib, o‘z darvozasidan javobsiz uchta gol o‘tkazib yubordi.
“Torino” ustozi Ivan Yurich uchrashuv haqidagi fikrlarini bildirib, mavsumni sarhisob qildi. Uning fikricha, jamoasi chempionatni kuchli o‘tkazgan.
"Birinchi bo‘limda yaxshi o‘ynadik, ammo keyin raqibga ikkita gol sovg‘a qildik. Biz maksimal darajada o‘ynamadik, kuchli jamoalar bunday o‘yin uchun jazolaydi. Ehtimol, yetarli darajada konsentrasiyani ko‘rsatmagandirmiz. Bu oxirgi turda sodir bo‘lishi mumkin. Shunga qaramay, chempionat juda yaxshi o‘tdi", - dedi Yurich La Gazzetta Dello Sport bilan suhbatda.
