Ispaniya La Ligasi rahbariyati UEFAga "PSJ" ustidan shikoyat qilmoqchi.
Bir necha kun oldin ko‘plab manbalar fransiyalik futbolchi Kilian Mbappening "Real"ga erkin agent sifatida o‘tishini deyarli yakunlangani haqida xabar bergan edi. Biroq bugun ma’lum bo‘lishicha, kelishuv barbod bo‘lgan. "PSJ" Mbappeni shartnomani uzaytirishga ko‘ndira oldi.
Ispaniya La Ligasi rasmiylarining aytishicha, Parij klubi moliyaviy feyr-pley qoidalarini buzgan va o‘tgan mavsumlarda sezilarli yo‘qotishlarga qaramay, 23 yoshli hujumchiga o‘ta katta shartnoma taklif qilgan. Ispaniya matbuotining qo‘shimcha qilishicha, La Liga "PSJ"ning Kilian Mbappe bilan kelishuvdagi qoidabuzarliklari haqida UEFAga shikoyat xati yubormoqchi.