Испания Ла Лигаси раҳбарияти УЕФАга "ПСЖ" устидан шикоят қилмоқчи.
Бир неча кун олдин кўплаб манбалар франциялик футболчи Килиан Мбаппенинг "Реал"га эркин агент сифатида ўтишини деярли якунлангани ҳақида хабар берган эди. Бироқ бугун маълум бўлишича, келишув барбод бўлган. "ПСЖ" Мбаппени шартномани узайтиришга кўндира олди.
Испания Ла Лигаси расмийларининг айтишича, Париж клуби молиявий фейр-плей қоидаларини бузган ва ўтган мавсумларда сезиларли йўқотишларга қарамай, 23 ёшли ҳужумчига ўта катта шартнома таклиф қилган. Испания матбуотининг қўшимча қилишича, Ла Лига "ПСЖ"нинг Килиан Мбаппе билан келишувдаги қоидабузарликлари ҳақида УEФАга шикоят хати юбормоқчи.