Superliga 10-turida "Paxtakor" Toshkent derbisida "Lokomotiv" bilan maydonga tushadi.
"Paxtakor" safida diskvalifikasiya sababli Eldor Suyunov o‘ynay olmaydi.
Chempionatlar tarixida jamoalar jami 36 bor to‘qnash kelishgan. Ularning 22tasida "Paxtakor" g‘alaba qozongan. 8 bellashuvda durang natija qayd etilib, 6 marta "Lokomotiv" ustun kelgan. Raqib darvozasiga 78 gol urgan "Sherlar" 32 to‘p o‘tkazib yuborishgan. 2020 yilgi mavsumda o‘zaro o‘yinlar tarixidagi eng yirik natija kuzatilgan. O‘shanda jamoamiz 7:0 hisobida muvaffaqiyatga erishgan. 2005 yilgi bellashuvda esa Anvar Soliyev raqib darvozasiga 5ta to‘p kiritgan!
Safardagi o‘yinlarda ko‘rsatkichlar shunday ko‘rinish olgan: 10 g‘alaba, 5ta durang va 3 mag‘lubiyat. Gollar bo‘yicha ustunlik "Paxtakor" foydasiga - 43:19. Mehmondagi eng yirik g‘alabamiz 6:1 natijasi 2005 yil kuzatilgan.
"Lokomotiv" va "Paxtakor" jamoalari o‘rtasidagi uchrashuv 23 may, dushanba kuni soat 19:00da "Lokomotiv" stadionida boshlanadi.
