Суперлига 10-турида "Пахтакор" Тошкент дербисида "Локомотив" билан майдонга тушади.
"Пахтакор" сафида дисквалификация сабабли Элдор Суюнов ўйнай олмайди.
Чемпионатлар тарихида жамоалар жами 36 бор тўқнаш келишган. Уларнинг 22тасида "Пахтакор" ғалаба қозонган. 8 беллашувда дуранг натижа қайд этилиб, 6 марта "Локомотив" устун келган. Рақиб дарвозасига 78 гол урган "Шерлар" 32 тўп ўтказиб юборишган. 2020 йилги мавсумда ўзаро ўйинлар тарихидаги энг йирик натижа кузатилган. Ўшанда жамоамиз 7:0 ҳисобида муваффақиятга эришган. 2005 йилги беллашувда эса Анвар Солиев рақиб дарвозасига 5та тўп киритган!
Сафардаги ўйинларда кўрсаткичлар шундай кўриниш олган: 10 ғалаба, 5та дуранг ва 3 мағлубият. Голлар бўйича устунлик "Пахтакор" фойдасига - 43:19. Меҳмондаги энг йирик ғалабамиз 6:1 натижаси 2005 йил кузатилган.
"Локомотив" ва "Пахтакор" жамоалари ўртасидаги учрашув 23 май, душанба куни соат 19:00да "Локомотив" стадионида бошланади.
