"PSJ" hujumchisi Kilian Mbappe kelajakda u hali ham "Real"ga o‘tishi mumkinligini inkor etmadi. Fransiyalik futbolchi “qaymoqranglilar” muxlislariga ham xabar qoldirgan va unda ularning hafsalasi pir bo‘lganini tushunganini aytgan.
"Real"? Kelajakda nima bo‘lishini va uch yildan keyin qayerda bo‘lishimni bilmayman. “Real” va prezident Florentino Peresni juda hurmat qilaman. Shuning uchun hurmat ko‘rsatish uchun shaxsan uni chaqirdim. "Real Madrid" muxlislariga qanday xabar yuborishim mumkin? Men ularga rahmat aytmoqchiman, chunki ular meni har doim o‘zlaridan biri sifatida qabul qilishgan.
Men ularning hafsalasi pir bo‘lganini tushunaman, lekin umid qilamanki, ular o‘z yurtimda qolishga qaror qilganimni tushunishadi", - deya Mbappening so‘zlarini keltiradi Fabrisio Romano.
