"ПСЖ" ҳужумчиси Килиан Мбаппе келажакда у ҳали ҳам "Реал"га ўтиши мумкинлигини инкор этмади. Франциялик футболчи “қаймоқранглилар” мухлисларига ҳам хабар қолдирган ва унда уларнинг ҳафсаласи пир бўлганини тушунганини айтган.
"Реал"? Келажакда нима бўлишини ва уч йилдан кейин қаерда бўлишимни билмайман. “Реал” ва президент Флорентино Пересни жуда ҳурмат қиламан. Шунинг учун ҳурмат кўрсатиш учун шахсан уни чақирдим. "Реал Мадрид" мухлисларига қандай хабар юборишим мумкин? Мен уларга раҳмат айтмоқчиман, чунки улар мени ҳар доим ўзларидан бири сифатида қабул қилишган.
Мен уларнинг ҳафсаласи пир бўлганини тушунаман, лекин умид қиламанки, улар ўз юртимда қолишга қарор қилганимни тушунишади", - дея Мбаппенинг сўзларини келтиради Фабрицио Романо.
