Fransiyaning «PSJ» klubi futbolchisi Kilian Mbappe Braziliya va Argentinadagi futbol saviyasi haqida gapirdi.
Mbappe jurnalistlar bilan suhbatda braziliyaliklar va argentinaliklar Jahon chempionatiga chiqish uchun qattiq harakatlar qilmayotganini aytdi. Fransiyalik futbolchining fikricha, bu mamlakatlarda futbol Yevropadagidan ancha yomon rivojlangan. «PSJ» forvardi bu, ayniqsa, so‘nggi Jahon chempionatida yaqqol namoyon bo‘lganini ta’kidladi.
Eslatib o‘tamiz, Kilian Mbappe yaqinda Parij klubi bilan shartnomani uzaytirishga qaror qilgan edi. Hujumchi 2025 yilgacha "PSJ"da qoladi va dunyoning eng ko‘p maosh oluvchi futbolchisiga aylanadi.













